Sep 12, 2010

காவல்துறையின் காட்டாட்சி - பதற வைக்கும் வீடியோ காட்சி

(காவல்துறையின் கண்ணியம் மிக்க வார்த்தைகள் கடைசி 15 நொடிகளில்...)
சென்னை அருகே இளம்பெண் எரித்து கொலை செய்யப்பட்டது குறித்து தகவல் சேகரிக்க சென்ற செய்தியாளர் மீது  காவல்துறை அதிகாரி தாக்குதல் நடத்தினார். இளம் பெண் கொலையில் மர்மம் இருப்பதாக கூறப்படும் நிலையில், கொலை பற்றிய தகவல்களை மறைக்கும் நோக்கில் காவல்துறை அதிகாரி நடந்து கொண்டது பல்வேறு சந்தேகங்களை ஏற்படுத்தி உள்ளது.
சென்னை பள்ளிக்கரணையை அடுத்த சாய்கணேஷ் நகரில் இளம் பெண் ஒருவர் எரித்துகொல்லப்பட்ட நிலையில் கிடப்பதாக தகவல் பரவியது. இதனை அறிந்த செய்தியாளர்கள் உடனடியாக சம்பவ இடத்திற்கு விரைந்தனர். ஆனால், காவல்துறையினர் அவர்களை தகவல் சேகரிக்க விடாமல் தடுத்தனர்.
இதுகுறித்து கேள்வி எழுப்பிய செய்தியாளர் மீது தாக்குதல் நடத்திய மடிப்பாக்கம் உதவி ஆணையர் தங்கரத்தினம் தகாத வார்த்தைகளாலும் சாடினார்.
அண்மை காலமாக, மடிப்பாக்கம் பகுதியில் இதுபோன்ற கொலை மற்றும் நில மோசடி சம்பவங்கள் அதிகரித்து வருகின்றன. இதுகுறித்து நடவடிக்கை  எடுக்க போலீசார் தயக்கம் காட்டி வருவதாக குற்றச்சாட்டுகள் எழுந்துள்ள நிலையில்,  கொலை பற்றிய தகவல்களை போலீஸ் அதிகாரியே மறைக்க முயன்ற சம்பவம் பல்வேறு சந்தேகங்களை ஏற்படுத்தி உள்ளது.
செய்தியாளர் தாக்கப்பட்ட சம்பவத்திற்கு சென்னை பத்திரிகையாளர் மன்றம் கடும் கண்டனம் தெரிவித்திருப்பதுடன் தொடர்புடைய அதிகாரி மீது நடவடிக்கை எடுக்க வேண்டும் என்று வலியுறுத்தி உள்ளது.

Sep 11, 2010

நடுநிலைமையான இணையதளத்திற்கு உதவுங்கள்


அன்பு நண்பர்களே,

தமிழகத்தில் இருந்து விருப்பு, வெறுப்பிற்கு அப்பாற்பட்டு வரும் . நடுநிலைமையான இணையதள இதழ் நிதி நெருக்கடியில் சிக்கி தவிக்கிறது என்பதை அறியும் போது மனம் பதைபதக்கிறது. பல்வேறு சமூக பிரச்சினைகள் குறித்து தீர ஆராய்ந்து வெளி வரும் கீற்று இணைய தள இதழ் தொடர வேண்டும் என்று நினைப்பவர்கள் தயவு கூர்ந்து உதவுங்கள். கீற்று ஆசிரியர் குழு வியாபார நோக்கிற்காக இணையதளத்தினை நடத்திவரவில்லை. சமூக மாற்றத்திற்காக மட்டுமே நடத்தி வருகின்றனர் என்பதை உங்களின் கனிவான பார்வைக்கு தெரிவிக்கின்றோம்.

நன்றியுடன்,
ஜுனியர் ரிப்போர்ட்டர்



Dedicated server என்றால் ஆண்டுக்கு ஒரு லட்சம் ரூபாய் வேண்டும். இரண்டு ஆண்டுகளுக்கு பதிவு செய்வதாக இருந்தால் இரண்டு லட்சம் வேண்டும். (https://www.lpdedicated.com/signup/order:dedicated2) அது கீற்று இணையதளத்திற்கு மிகப்பெரிய தொகை.
கீற்றில் இணையும் சிற்றிதழ்களின் எண்ணிக்கையும், கீற்றிற்கு வரும் படைப்புகளின் எண்ணிக்கையும் ஒவ்வொரு மாதமும் அதிகரித்து வருகிறது. முழுநேர ஊழியர் இல்லாமல், இவற்றை எல்லாம் வலையேற்றுவது மிகவும் சிரமமான செயலாக இருக்கிறது. முழுநேர ஊழியர் என்றால், குறைந்தது மாதம் ரூபாய் ஐயாயிரம் சம்பளம் தர வேண்டும்.
கடந்த ஜூலை மாதம் ‘இஸ்லாமியர்கள் மீதான சமூக, அரசியல் ஒடுக்குமுறைகள்’ கருத்தரங்கை நடத்திய வகையில் ரூ.10,000 கடன் என்பதுதான் கீற்றின் நிதிநிலைமை. எனவே கீற்று தொடர்ந்து வெளிவருவது வாசகர்கள் கையில்தான் உள்ளது. கீற்று வெளிவருவது அவசியம் என்று கருதும் வாசகர்கள் நிதியுதவி அளிக்குமாறு வேண்டுகிறோம்.
அடுத்த சில நாட்களில் தளம் செயலிழப்பதற்கு வாய்ப்பு உள்ளதால், கீற்று இணையதளத்தின் படைப்புகள், சிற்றிதழ்கள் அனைத்தையும் backup எடுத்துள்ளோம். போதிய அளவு நன்கொடை கிடைத்தால், நிச்சயம் கீற்று பழையபடி வெளிவரும் என்று நம்புகிறோம்.
என்றும் அன்புடன்
கீற்று நந்தன்

Sep 9, 2010

காமவெறி காவல்துறையினரால் சிதைக்கப்பட்ட அகதி பெண்ணின் கடைசி வாக்குமூலம்

இந்த வீடியோ காட்சி மகாலிங்கம் என்ற நண்பரின் மூலம் கிடைத்தது. கரூரில் காமவெறி பிடித்த காவலர்களால் சிதைக்கப்பட்ட ஒரு அப்பாவி அகதி பெண்ணின் கடைசி கட்ட வாக்குமூலம்... எப்போதுதான் திருந்துமோ இந்த மானங்கெட்ட காவல்துறை

ஏழைகளின் கண்ணீரில் மன்மோகனின் சந்தோஷம்

நாட்டில் உணவு தானியங்கள் வீணாவது குறித்து பொதுநல வழக்கு ஒன்று உச்சநீதிமன்றத்தில் தொடரப்பட்டது. அதனை விசாரணைக்கு ஏற்றுக் கொண்ட உச்சநீதிமன்றம் ஆகஸ்டு 12ம் தேதியன்று தானியங்கள் வீணாகும் முன்பு அவற்றை ஏழைகளுக்கு வழங்குங்கள் என மத்திய அரசை கேட்டுக் கொண்டது. அதற்கு பதிலளித்த மத்திய விவசாயத்துறை அமைச்சர் சரத் பவார்,  உணவு தானியங்களை ஏழைகளுக்கு இலவசமாக வழங்குங்கள் என உச்சநீதிமன்றம் அறிவுரைதான் வழங்கியுள்ளது. அது உத்தரவு அல்ல எனக்கூறினார். இதனை கண்டித்த நீதிபதிகள், தாங்கள் மத்திய அரசுக்கு உத்தரவிட்டோம். அறிவுரை வழங்கவில்லை என தெரிவித்தனர். இப்பிரச்சினை நாடாளுமன்றத்தின் இரு அவைகளிலும் எதிரொலித்தது. உடனே மத்திய அமைச்சர் சரத் பவார், உச்சநீதிமன்றத்திற்கு உத்தரவிற்கு கட்டுப்பட்டு உணவு தானியங்களை ஏழைகளுக்கு வழங்குவதாக உத்தரவாதம் கொடுத்தார்.
இதற்கு மத்திய அமைச்சரவையும் ஒப்புக்கொண்டது. இந்நிலையில் பத்திரிக்கை ஆசிரியர்களை தனது இல்லத்தில் சந்தித்த பிரதமர் மன்மோகன் சிங், மத்திய அரசின் கொள்கை விஷயங்களில் தலையீடுவதை உச்சநீதிமன்றம் நிறுத்தி கொள்ள வேண்டும் என்றும், ஏழைகளுக்கு இலவசமாக உணவு தானியங்களை வழங்குவது எ ன்பது நடைமுறைக்கு ஒவ்வாத செயல் என கூறியுள்ளார். ஒன்று மட்டும் புலனாகிறது. ரிலையன்ஸ் நிறுவனத்திற்கோ அல்லது அமெரிக்க நிறுவனங்களோ உணவு தானியங்களை இலவசமாக வழங்குங்கள் என நீதிமன்றம் கூறியிருந்தால், மன்மோகன் சிங் மகிழ்ச்சி அடைந்திருப்பார். பாவப்பட்ட ஏழைகளை பற்றி அவருக்கு என்ன கவலை. அவர்தான் பொருளாதார நிபுணர் ஆயிற்றே. ஏழைகள் என்ன தொழிலதிபர்களா ? கூலி வேலைக்கு செல்லும் மனிதர்கள்தானே ? என்று எண்ணி விட்டார் போல் தெரிகிறது. எது கொள்கை முடிவு ? நமது நாட்டில் வீணாகி கொண்டிருக்கும் உணவு தானியங்களை ஏழைகளுக்கு கொடுங்கள் என்று சொல்வது தவறா ? அவருடைய வாதப்படியே வைத்து கொள்வோம். இந்தியாவில் 37 சதவீதம் பேர் வறுமை கோட்டிற்கு உள்ளனர். அவர்களுக்கு வழங்குவது எளிதான காரியமல்ல. அதற்குதான் அரசு ஊழியர்கள் மற்றும் மக்களால் தேர்ந்தெடுக்கப்பட்ட அரசு உள்ளது என்பதை மன்மோகன் மனசாட்சியோடு நினைத்து பார்க்க வேண்டும். தமிழகத்தில் உள்ள பெரும்பாலான மக்களுக்கு இலவச கலர் டிவி கொடுக்கமுடியும் என்பது சாத்தியம். நாட்டில் உள்ள அனைவருக்கும் புகைப்பட அடையாள அட்டை வழங்க முடியும் என்பது சாத்தியம். இப்படி இவர்களுக்கு வசதியாக உள்ள திட்டங்களை மட்டும் நிறைவேற்ற முடிகிறது. யாரையும் வேலைக்கு செல்லாமல் வீட்டில் இருந்து சாப்பிட சொல்லுங்கள் என்று நாம் கேட்கவில்லை. ஒரு எலியோ, பூச்சியோ தின்று வீணாகி கொண்டிருக்கும் உணவு தானியங்களை 6 அறிவு படைத்த மனிதனுக்கு வழங்கினால் என்ன குறைந்தா போகிவிடுவார் மன்மோகன். பீகார் மாநிலத்திலும், மேற்கு வங்கத்திலும் மக்கள் பஞ்சத்தால் வாழ்வதாக அம்மாநில அரசுகளே அறிவித்துள்ள, அவர்களுக்கு இலவச உணவு என்பது அத்தியாவசிய உதவி என்பது பிரதமருக்கு தெரியாதா ? தெரியாமல்தான் கேட்கிறோம். கூடங்குளம் அணு மின் நிலையம் அமைப்பது  குறித்து நாடாளுமன்றத்தில் விவாதமே நடத்தாமல் மீனவர்களின் வாழக்கையை பற்றி கவலைப்படாமல் மத்திய அரசால் அனுமதி வழங்க முடிகிறது. ஒரு போபால் விஷவாயு கசிவிற்கு எல்லா கட்சிகளும் வரிந்து கட்டிக்கொண்டு குரல் கொடுக்கின்றன. நல்ல விஷயம்தான் இல்லை என்று சொல்லவில்லை. ஆனால் பணக்காரர்களின் கைப்பாவையாக திகழும் ம(ண்)மோகன் சிங்கை இந்த விஷயத்தில் யாரும் கண்டிக்கவில்லையே ? ஏன் என்றால் சிபிஐ மத்திய அரசின் கைவசம் உள்ளது. அதைவைத்து மிரட்டும் கலையை காங்கிரஸ் அரசு நன்றாக தெரிந்து கொண்டுள்ளது. ஒரு முறையாவது மக்களை நேரடியாக சந்தித்து தேர்தலில் நின்று ஜெயித்து இருந்தால்தானே ஏழைகள் பற்றி மன்மோகன் சிங் சிந்தித்து இருப்பார். அவருக்குதான் வசதியாக ராஜ்யசபா இருக்கிறதே, அங்கு ஜால்ராக்களின் தயவுடன் எம்.பி.யாகி விட்டவர்தானே மன்மோகன். ஒரு புள்ளி விபரம் தெரிவிக்கிறது நாட்டில் உள்ள அரசு குடோன்களில் வீணாகும் தானியங்களை 10 லட்சம் ஏழைகளுக்கு 6 ஆண்டுகள் வரை கொடுக்க முடியும் என்று, இதனை நாம் சொல்லவில்லை மத்திய அரசின் விவசாயத்துறையின் புள்ளி விபரம்தான் கூறுகிறது. இதையெல்லாம் அறிந்து கொள்ள மன்மோகன் சிங்கிற்கு சிறிது காலம் ஓய்வு கொடுப்பதே நாட்டிற்கு நல்லது என்பது மேன்மக்களின் வாக்காக உள்ளது.

Sep 7, 2010

அழகிரியின் அடுத்த மூவ்

அழகிரியின் அடுத்த மூவ் - இது என்னடா புதுக்கதை என நீங்கள் குழம்ப வேண்டாம் ? மாறன் பிரதர்ஸ் இருக்கும் தைரியத்தில் ரவுடித்தனத்தில் ஈடுபட்ட சக்சேனா அன் கோ மீது வழக்குப்பதிவு செய்ய தயங்கியதாம் காவல்துறை. உடனே செக்கர்ஸ் ஹோட்டல் உரிமையாளரின் மகன் வினோஜ், அழகிரியின் மகன்துரை தயாநிதியிடம் நடந்த சம்பவங்களை கூறி அழுதாராம். உடனே சுறுசுறுப்படைந்த துரை இவ்விவகாரம் குறித்து தனது அப்பா அழகிரி மூலம் தாத்தா கருணாநிதியிடம் எடுத்து சொன்னாராம். இப்படி குடிச்சுட்டு ரோட்டுல சண்டை போட்டது மட்டுமில்லமா. திமுக கொடியோடு சென்று செக்கர்ஸ் ஹோட்டல் அடிச்சு நொறுக்கினது எந்த விதத்தில் நியாயம் என பொங்கி எழுந்தாராம் அழகிரி. (நல்ல வேலை இதெல்லாம் பார்க்கிறதுக்கு அண்ணாத்துரை உயிரோடு இல்லை) கண்டவன் எல்லாம் கட்சி பேரை சொல்லி ஊருல தகராறு பண்றதுக்கு இது சத்திரம் இல்ல என திமுக முக்கிய தலைகள் சில கருணாநிதியிடம் தூபம் போட... உடனே வழக்கை பதிவு செய்துள்ளது காவல்துறை. இதை கொஞ்சம் எதிர்பார்க்காத சக்சேனா, சிங்கப்பூருக்கு தப்பி ஓடிட்டாராம். அது மட்டும் இல்லாம கோர்ட்ல முன் ஜாமீன் கிடைத்தவ்டன் இந்தியாவிற்கு திரும்பலாம்னு மனக்கணக்கு போட்ட சக்சேனாவிக்கு அடி மேல அடி. கோர்ட்டிலையும் முன் ஜாமீன் கிடைக்கறதுல்ல சிக்கல். இதுக்கு நடுவுல வழக்கம் போல் காரியம் முடிஞ்சவுடன் கழட்டிவிடும் கலையை திரும்பவும் கையில எடுக்கலாமான்னு மாறன் பிரதர்ஸ் யோசிக்கிறாங்களாம்.  பேசாம சக்சேனா கழட்டி விட்டுறாம்ள்னு திங் பண்றாங்களாம். இதை கேட்டு சக்சேனா கூட்டம் கலங்கி போயிருக்கு. ஒன்னு மட்டும் நிச்சயமுங்க அழகிரிக்கு கிடைச்ச இந்த அல்வா சான்ஸை அவரு தவற விடமாட்டார்னு அறிவாலய வட்டாரங்கள் கூறுகின்றன. அது சரி அப்பன்னா அழகிரி-மாறன் போராட்டம் ஒயலையான்னு நீங்க கேட்கறது புரியுது.... அதற்கு காலம்தான் பதில் சொல்லும்.
 
Related Posts with Thumbnails

Sample text